蘇黎士投機定律 (附加手繪禮品推薦)

上月股市太勁,直情升到有啲驚,特別係內銀股,有啲似2015年咁跳制式爆升,1個月左右就升3成,森而上次提過自己早已滿倉,正股組合升幅跟到大市,可惜建行(0939)爆升時已經無錢加注,錯失大好機會。除錯失機會之外,期指期權又犯左兩個大錯,原本只係想對沖,慢慢見個市超買再超買,竟然大師上身,唔覺意做淡做多左,最後結果當然被夾爆,機乎將正股回報完全還返出去,真係想喊,牛市無份賺果種痛苦,唔係人人明白。今次受左教訓,學到好多嘢,將來必定十倍奉還。


最近睇本書叫「蘇黎士投機定律」,內容係歸納瑞士證券和期貨投機俱樂部所提出既投資建議,看似簡單既投機定律,卻並非人人了解。個人認為,呢本書非常適合偽價值信徒睇,特別係背大師金句背到滾瓜爛熟,但投資成績仍然麻麻既人,睇完後表現可能會突飛猛進。

睇「蘇黎士投機定律」首先要接受無論投資或投機其實都屬於賭博,甚至人生也是賭博,永遠不能逃避風險,而書中12個定律清晰地指引讀者如何精明地賭,踏上成功之路。

12個投機定律包括:

1. 要擔得起風險,如果投機不能讓你擔憂,就証明你冒險不夠。

2. 戰勝貪婪,目標達成後獲利了結。

3. 船下沉時,不要禱告,盡快跳船。

4. 不要相信未卜先知。

5. 當感到一個有條理的世界時,就已經處於危險。

6. 避免紮根,它妨礙靈活性。

7. 如有足夠知識,預感或直覺是值得信賴的。

8. 不能迷信。

9. 不要因樂觀而行動,而是要有信心面對危機而行動。

10. 不做羊群。

11. 沒有希望的投機,忘掉它,重新再來。

12. 未來是不可控的,不要制定長期計劃。

幾句說話當然不能夠全面反映此書精妙之處,「蘇黎士投機定律」唔難搵,圖書館搵到,上網亦有得下載,如發覺自己背完金句,再花大量時間左計右計之後,投資成績仍然得個桔,即刻搵來睇下,轉個思維角度再出發。

最後送啲靚字比大家欣賞,係由森而一位親友親手繪畫,非常有心思,很值得支持,如果情人節想送張獨一無二既情人咭比男女朋友,或想製作一份精緻禮物,都可以參考下:

IG:instagram.com/s.u.e_lettering/

10 則留言:

  1. 森而兄的仔女很有創作天份👍⭐️

    回覆刪除
    回覆
    1. 我大仔先小二,邊可能寫到呢啲字呀!😂

      係姨仔先啱!

      刪除
  2. 最底果個氣汽球連手繪咩價錢呢? 有興趣.

    回覆刪除
  3. 我個人是不會把投資與投機畫線區分, (但我發現好多自稱價值投資派的人都可(1)中意畫線區分兩者(2)不停重複真投資大師的教條), 根本從機會率的角度看, 兩者的操作方法完全不同, 但目標是一樣: 追求最好的回報. 同時間, 兩者都要面對很多不確定性.

    我也發現了很多最高層次的投資人與投機人, 其實共通點什多, 就是大家都擅長風險管理 (真正的價投絕對不是一些偽價投人所言, 買了一隻自己完全不憧估值的股票, 穩定派息, 出事既話國家政府會打救就ok. 看長線, 股價不重要, 回報率都不用理), 大家都是從機會率與統計學的方向去看. 還有, 更重要的, 就是大家都與時進步, 不停學習, 不停修正.

    回覆刪除
  4. 認同投資成敗既關鍵由機會率、值博率、風險管理等問題組成,需要與時並進,並非簡單的“價值”兩個字。文章中之所以話本書適合背熟投資金句但成績麻麻既人睇,就係因為覺得有類人誤以為自己背熟了金句,將公司啲簡單數字如P/E、P/B、PEG、息率計一計,就決定買入長揸,甚至不理市況盲目地月供,以為咁日後就一勞永逸。以呢種心態投資,無錯升市時可能好威,但一到熊市就打回原形。

    回覆刪除