2017年4月11日 星期二

自己做基金經理

巴菲特、格拉咸、彼得林奇、芒格等投資大師名子經常被提起,因為每一位都戰績彪炳,頭上有光環,所以得到好多人祟拜同學習,當中少部份人甚至會迷信以為只有大師既投資哲學才是真理,實際成績反而係其次。森而咁講唔係想批評他人,能夠熟讀大師每一條教條一定係勤力既人,只不過大師和自己身處位置相距太遠,無論時代、市場、背景、資金等都無法可比,大師們各種教條真係適合2017年既香港嗎?係香港或中國會搵到可樂、廸廸尼、蘋果呢類超級企業嗎?既然森而主力係香港市場,要學習不如學習本土著名投資者,所以決定尋找本土既投資書籍逐一睇,先由著名基金經理「黃國英」開始。


「自己做基金經理」已經出版超過10年,內容顯淺易明,以淺談形式分享作者投資心得,並對不同投資工具作簡介及提點,雖然內容不算豐富,但從字裡行間卻充滿投資智慧,而且大多從香港市場出發,比起外國名著更有共鳴,其中有部份與自己理念十分相似,節錄下來同大家分享:

1. 若不求發達,只求穩中求勝,跑羸通脹,指數基金便是最佳的選擇。

2. 耐性和謙卑才有勝望。

3. 別太相信陰謀論,要在股市中取得成功,一定要性格樂觀,相信這個世界之中,好人好事佔大多數。

4. 「Keep It Simple and Stupid」、「不扮高深、但求傳真」

5. 金錢遊戲永遠牽涉機會率,不能穩勝就自然有錯誤機會,害怕犯錯的心態,會令人減少冒險,追求安全感是要付出代價。

6. 6成羸面已十分風光,追求百戰百勝,是一個錯誤觀念;追求一場大勝,又是一個錯誤的觀念。

7. 每個年代都有當炒主題,不必怕生不逢時沒有機會。

8. 不宜對中小型股票的圖表太認真,成交量不夠,走勢可以十分誤導。

還有很多很多,不能盡錄,下一本會睇「注碼定輸贏」。

上週操作:
1. 03/04 – 睇好後市,股票期權分別SP 0388@195 / 0700@220 / 2318@43
2. 03/04 – 低引伸波幅,期指期權以Long Strangle策略開倉,分別LP23200 / LC25200
3. 05/04 – 於$4.15增持8008
4. 06/04 – 於$44.7買入2688

11 則留言:

  1. 支持森而兄👍黄國英有料到,比唔少媒體財演好好多。

    回覆刪除
    回覆
    1. 黃國英係真正基金經理,有別於某某教授或某某公司代表,有實際成績睇得到,當然好好多。

      刪除
  2. 佢個欄有時幾有point,有知識性又有啟發性,不是那些重重複複幾條教條拋幾個名詞又好為人師的blogger大師可以比擬。

    回覆刪除
    回覆
    1. 佢平時個欄內容夠本土,唔會扮高深,簡單而實際,又能對散戶作出適當提點,睇完唔夠喉要睇埋佢啲書。

      刪除
  3. 淨係第一點同第二點,好多炒港股的人就做唔到。

    回覆刪除
    回覆
    1. 第一點已經愈來愈多人明白,第二點耐性都有好多人做到,至於謙卑就比較困難,投資者有少少成績就覺得自己了不起係通病,唔係又唔會咁多人爭住去開班教人,真正大師通常只會分享心得,而非教授。

      刪除
  4. 多謝介紹,在圖書館找到,放假去借

    回覆刪除
    回覆
    1. 唔駛客氣,呢本書啱晒已經有基本知識,想進一步優化操作既人。

      刪除
  5. 回覆
    1. 論知識,森而有排都追唔上塘人兄,唯有勤力啲😅

      刪除